Li cabolète
Dji n' veû nin vol'tî li meûs d' nôvimbe, sèpez-v' mi !
D'abôrd on candje lès-eûres, adon-pwis c'èst l' Tossint, li djoû dès-åmes, l'Årmistice... Lès måvas vints èt lès fouyes qui toumèt, lès prumîrès djalêyes, èt minme dès fèyes lès prumîrès nîvayes...Lès djoûs n'arèstèt nin di racoûrci... On timps qui finih a m' rinde målêdûle èt a kibroyî dè neûr... Adon dji fê l' croufe èt dji ratind qui çoula passe...
Lès bièsses d' ac'lèvèdje ènnè r'vont è leûs stås èt candjèt d'amagnî, on s' chèv di foûre.
Çoula m' fêt tûzer a 'ne sacwè d' målèreûs qui nos-a-st-atoumé. Tot-on timps, nos-avîs-st-ac'lèvé dès-ågnes, po leû djintilèsse èt leû k'pagnèye, mins-ossi po l' plêzîr. L'ågne è-st-ine doûce, amitieûse èt påhûle bièsse. I-n- a dès fèyes, on dîreût qui sès sogneûzès-orèyes prindèt astème ås confidances qu'on l'zî pout fé èt sès-oûy plin d' miråcolèye sonlèt compati a nos ponnes.
È meûs d' nôvimbe, dj'aveû r'çû d'on camaråde, deûs sètch di crompîres assûrêyes èsse sins kimolèdje. Avou tote confiyance dj'ènn' aveû d'né quéques djoûs åsågnes. Èlzès crohît di tos leûs dints, c'èsteût-st-a l'aparance on sawoureûs magnehon. Mins vola! quéques djoûs pus tård, adon qui dj'èlzès houkîve, i n' ont nin v'nou å radjoû.
Dj'èlz'a r'trové ni fant ni sène ni mène, sins nole rèyacsion, sins hossî tièsse ou orèyes, i-z-èstît come soûrdôs èt parålizés.
Anoyeûs, dj'a houkî l'årtisse, li holant di v'ni tot dreût. Li rèzultat fourit-st-abèye èt deûr: " T'as èpwèzon'r tès- ågnes... Dji va sayî di fé 'ne sacwè, mins c'èst voleûr mète on sèyê d'vins 'ne botèye.
Målèreûsemint, si ènn'a onk qui s'a sètchî foû, l'ôte ènnè mwért. Dj'èsteû tot foû d'mi, pèneû, li quåwe è cou, dj'aveû f^t pètchî sins sèpi.
Anèyanti, dj'aprinda qui l' crompîre è-st-in-arèdjî pwèzon, qu'èle contint on vènin: "li solanine". Ci pwèzon si rassonle principålemint so lès pèlotes (èco pus' si èle sont vètes) èt c'èst co pé divins lès djètons. I fåt cûre (c'è-st-ine obligåcion) lès crompîres divant d'èlzès magnî. Lès balots nin pus ni sont nin bon a magnî, i d'vèt-èsse mètou è tèrot ou broûlés.
Pocwè lès-ac'lèveûs d' pourcês passerît-i leû timps a cûre cès crompîres divins dès grantès cabolètes (foto).
Sayans di n' nin d'né dès pèlotes nin cûtes ås bièsses (lès tchins ènnè sont très sansibles). Si on r'prindéve lès pèlotes po d'ner ås robètes (par ègzimpe) èlle èstît todi cûtes èt mahèyes avou ôte tchwè come li laton...
Nèni, dji n' veû nin vol'tî li meûs d'nôvimbe, mins décimbe a l'aweûr di v'fé r'viker: li fièsse dès-èfants, lès loumîres di totes lès coleûrs, minme si èle ni sont nin naturéles, li nêssance, lès fièsses èt lès djoûs qui ralonguihèt...
Le chaudron à pommes de terre
Je n'aime pas le mois de novembre, savez-vous moi !
D'abord, on change les heures, puis c'est la Toussaint, le jour des morts, l'Armistice... Les grands vents et leurs feuilles, les premières gelées, voire aussi les premières neiges... Les jours qui n'arrêtent par de raccourcir... Une période qui m'induit à la morosité, au pessimisme... Alors, je fais le gros dos et attends que ça se passe...
Les animaux d'élevage regagnent leurs étables et changent d'alimentation; on a recours au fourrage.
Cela me rappelle un événement malheureux. Durant une longue période, nous avions élevé des ânes comme animaux d'agrément et de compagnie, mais aussi de bien-être. L'âne est un animal doux, affectueux et calme. Parfois, ses oreilles attentives prêtent attention aux confidences qu'on peut lui faire et son regard quelque peu mélancolique semble compatir à nos doléances.
En novembre, j'avais reçu d'un ami deux sacs de pommes de terre garanties non pulvérisées. En toute confiance, j'en avais distribué quelques jours aux ânes. Ils les croquaient à pleines dents, c'était apparemment un menu de délectation.
Mais voilà ! Quelques jours plus tard, alors que je les appelais, ils ne sont pas venus au rendez-vous. Je les ai retrouvés immobiles, prostrés, sans aucune réaction ; pas un mouvement de tête ni d'oreilles, ils étaient comme sourds et paralysés.
Inquiet, j'ai appelé le vétérinaire en insistant sur l'urgence d'une intervention.
Le diagnostic fut prompt et sévère : " Tu as empoisonné tes ânes... Je vais tenter l'impossible... ".
Malheureusement, si un a survécu, l'autre est mort. J'étais désemparé, contrit et confus. J'avais péché par ignorance.
Consterné, j'appris que la pomme de terre est un poison, qu'elle contient une substance toxique : la "sola- nine". Ce poison se trouve surtout concentré sur la peau (davantage si elle est verte) et pire encore dans les jets. Il faut impérativement cuire les pommes de terre avant de les consommer. Les fanes non plus ne sont pas comestibles, elles doivent être compostées ou brûlées.
Pourquoi les éleveurs de porcs passeraient-ils leur temps à cuire ces tubercules dans de grands chaudrons prévus à cet effet (photo) ?
Evitons de donner des épluchures non cuites aux animaux (les chiens y sont très sensibles).
Si les épluchures étaient récupérées pour l'alimentation des lapins (par exemple), elles étaient toujours cuites et mélangées avec diverses denrées comme le son et autres...
Non, je n'aime pas le mois de novembre, mais décembre augure le renouveau : la fête des enfants, les lumières multicolores même si elles sont artificielles, la Nativité, les fêtes et les jours qui allongent...
Joseph Andrien.
Paru dans le n° 491 de
Blegny Initiatives
de novembre 2017