Li foreûse a masselotes

- Qu'as-s' don fêt-la po-z-aveûr ine si-fête tièsse ?

- Je m'ai pèter ma tête de contre les boules de ma foreuse...

- Esplique on pô, ca dji n'a rin compris.

- Ben oui, hein ! Quand j'ai fait aller la manivelle, les boules en fer ont monté en l'air et paf !... Je les ai ramassées en pleine poire. Alors, j'ai eu un gros cochon au dessus de mon œil qui est devenu au beurre noir... Et à cause de ça, je n' vois presque plus hors de mon œil si tellement qu'il est devenu tout petit.

C'è-st-insi qui Gusse, li novèl-aprindice di l'ovreû, si féve comprinde, pîd foû pîd d'vins.

Il åreût polou l' dîre avou on francès on pô pus sognî:

" Bien évidemment, lorsque j'ai actionné la manivelle, les masselottes se sont soulevées, sous l'effet de la centrifugation et ont heurté mon visage au niveau de l'arcade sourcilière. En conséquence cela a provoqué une enflure importante et un coquart (une ecchymose noirâtre sur les paupières). La tuméfaction de l'œil a induit une réduction du champ de vision et par voie de conséquence une moins bonne acuité du sens."

Il åreût ossi polou l' dîre avou on walon on pô pus r'lèvé :

" Bin awè, qwand dj'a fêt aler l' manivèle, lès masselotes s' ont lèvés cåse dèl fwèce cintrifûje èt ont v'nou a stok di m' vizèdje tot m' fant 'ne crèveûre al copète di l'oûy. Po fini, çoula a fêt on gros pourcê, ça a hoûzé si télemint qui l'oûy èst tot neûr èt tot sèré. Insi acsû, ça fêt qui dji n' veû cåzi pus foû. "

Lès masselotes c'èst lès boules di fiér qui fèt pårtèye dèl mécanique dèl foreûse so pîd (foto). Qwand on fêt aler l' manivèle, li fwèce cintrifûje transmètowe ås masselotes fêt qui cèsses-chal si lèvèt tot tchoûkant so l' mådrê wice qu'on-z-î a mètou on foreû.

C'èst don l' vitèsse di rôlemint dès masselotes qui f 'rè qui l'aspatèdje so l' foreû sèrè djusse, ca i n'a nin d' ha- minde so cisse sôre di foreûse. Insi l'ovrî qui s' chèv di ciste-ustèye la n'a mèzåhe qui d'eune min. Ossi vite qu'on-z-arèstêye di fé aler l' manivèle, ôtomatiquemint li mådrê si r'lîve èt r'prind si prumîre pôzicion.

Après l' fåvuron, tot l' monde årè compris qu'i n' fåt nin mète si tièsse trop près dès masselotes qwand èle tournèt trop reû.

ÇQFFC.