Le casse-noix

Li crohe-djèye

I profitèt qui dji n' so nin è m' mohone po v'ni magnî leûs djèyes è catchète. Mins quî sont-i cès mås d'arèdje la ?

Mi coûr èsteût kissèmêye di sclats d' hågnes...

- " Il-årît tot l' minme polou ramasser leûs crasses..." tûzéve-dju.

A dåter d'asteûre, dji sèr'rè m' bårîre al clé, insi i-n' pôront pus v'ni è m' coûr.

Èt portant ! Lès djoûs d'après, dj'a co vèyou dès-arotes di leû vizite.

- " Mins po wice vinèt-i ?"

Al manîre di Sherlock Holmes, sins portant prinde on veûle qui grohih, dj'a roté co traze fèyes è m' coûr po sayî d' trover quéque sène...al vûde !

Dès fèyes, dji ramasséve ine djèye ètîre...Dji groumetéve: - "C'èst todi çoula qui n'åront nin, cès rin-v'-våt". On djoû, dji fouri intrigué tot vèyant li drole di comportumint dès neûrès cwèrnèyes (loumêyes ossi cwèrbås d' marasse) qui s' kibatît tot cwâktant sins parèy. Come dj'èsteû la, èlle arèstît leûs marguayes èt pètît èvôye sins rat'na. Dj'ala tot dreût vè l' plèce qu'èlle avît qwité al vole. Èstoumaquèdje ! Dès djèyes sipiyèyes èt nin co vûdèyes. I m' sonla qui lès-oûhês avît tchûzi l' coûr come plèce di radjoû po goster "påhûlemint" leû payèle.

Dji n'aveû compris qu'a d'mèy, cas lès djoûs qui sûvît, dj'a polou t'ni a l'oûy leû drole di balèt. Po dîre li vrêye, lès neûrès cwèrnèyes vinît toûrnicoter al copète dèl coûr po lèyî toumer lès frûtèdjes hapés d'vins lès djårdins d'åtoû. Come li coûr èst fête di gros pavés d'vôye, lès tchances di veûy lès djèyes voler a bokèts sont-st-insi acrèhowes. Si çoula n'èst nin on malin compôrtumint ?

Chaque fèye qu'ine djèye dimanéve ètîre, dj'èl riprindéve di leû bûtin.

Adon-pwis, dj'a-st-avu dès r'mwérds ! Kimint èsteût-i possibe d'èsse ossi magneû d' pan payård ?

Ine sacwè d' curieûs, lès neûrès cwèrnèyes ni sayît nin di "riparachuter" lès djèyes ètîres, adon dj'a lèyî li cro- he-djèye dè mûzéye (foto) la tot près... Mins èle ni s'ènn'ont måy chèrvou.

Nin si malin qu' ça, cès cwèrbås d'marasse ! A mons qui ci n' seûye mi qui ???

Le casse-noix

Ils profitent de mon absence pour venir chez moi manger leurs noix en cachette. Mais qui sont ces garnements?

Ma cour était parsemée d'éclats de coquilles ...

" Ils auraient quand même pu ramasser leurs crasses... " pensais-je.

Dorénavant, je fermerai ma barrière à clé, ainsi ils n'auront plus accès à la cour du musée. Et pourtant ! Les jours qui ont suivi, j'ai encore constaté des traces de leur passage.

- " Mais par où sont-ils passés ? "

A la manière de Sherlock Holmes, sans toutefois prendre de loupe, j'ai arpenté plusieurs fois ma cour pour essayer de repérer quelqu'indice... En vain !

De temps à autre je ramassais une noix entière... Je grommelais : - " C'est toujours ça qu'ils n'auront pas, ces chenapans ".

Un jour, je fus intrigué par le comportement bizarre de corneilles qui se disputaient en croassant de plus belle. Ma présence interrompit leurs querelles et provoqua leur fuite. Je me dirigeai vers l'endroit qu'elles avaient quitté précipitamment.

Stupéfaction ! Des noix cassées non encore vidées de leur contenu. Je crus comprendre que les oiseaux avaient choisi la cour comme lieu de rendez-vous pour déguster " tranquillement " leur pitance.

Ma compréhension n'était que partielle, car au fil des jours, j'ai pu observer leur étrange ballet. En fait les corneilles venaient tournoyer au dessus de la cour pour y larguer les fruits grappillés dans les jardins voi- sins. Comme la cour est carrelée de pavés de rues, les chances de voir éclater les noix sont accrues. Si ce n'est pas là un comportement intelligent?

A chaque fois qu'une noix ne s'était pas cassée, je la prélevais de leur butin.

Puis, j'ai eu des remords ! Comment m'était-il possible d'être à ce point pique-assiette ?

Chose curieuse, les corneilles ne semblaient pas "reprachuter" les noix intactes ; alors j'ai laissé le casse-noix du musée (photo) à leur portée... mais elles ne s'en sont jamais servi.

Pas si intelligente que ça, ces corneilles! A moins que ce ne soit moi qui ???

Joseph Andrien.

print Paru dans le n° 493 de urlBlegny Initiatives de janvier 2018

© Musée de la Fourche et de la Vie rurale - J. Andrien