![Le stylet](photos/photo563.jpg)
Miracle à Mortier ?
Le musée de la Fourche et de la Vie rurale se trouve au plein centre du village Au printemps et en été, la façade est richement décorée de fleurs et de drapeaux. En automne, dès l'apparition des grands vents, les drapeaux sont décrochés et les fleurs fanées sont dépotées; la façade redevient morne. .. Le tilleul voisin perd ses feuilles et celles-ci se retrouvent entassées juste devant la maison. Ceci est dû à un phénomène naturel de tourbillon qui se reproduit chaque année et toujours à la même place. Sauf que, cette année, le temps a été particulièrement pluvieux et venteux. Il s'ensuivit que l'amas de feuilles broyé par le passage des voitures s'est transformé en bourbier auquel se sont ajoutés papiers, cartons, plastiques, mégots, canettes et peut-être même excréments canins...
Voilà qui donnait laid aspect au bâtiment et me désolait au plus profond de moi-même. Mais comment pouvoir me débarrasser de cette masse compacte et gluante, et surtout comment trier ces déchets? J'avais demandé de l'aide mais sans résultat. J'attendrai donc des jours meilleurs...
Assis à une des tables de conversation en wallon que je fréquente assidûment et en présence de Monsieur Paul Bolland, je fis part de mon désagrément.
Quelle ne fut pas ma surprise de découvrir un matin: " mon devant" dépourvu de son tas de crasses.
Personne dans mon entourage n'avait su me dire qui était venu faire cette sale besogne.
Miracle ou sorcellerie?
Comme chacun de mes articles fait référence à un objet du musée, il m'est venu à l'idée de créer un titre honorifique qui ne sera décerné qu'une seule fois; en l'occurrence: "Li ramon d'oneûr" (balai d'honneur).
Au musée on peut voir de ces balais, dit de sorcière, mais aussi le banc utilisé pour en réaliser la fabrication ainsi qu' une presse à fagots (photo).
Je veux rendre un hommage sincère à Monsieur Paul Bolland (gouverneur honoraire de la Province de Liège) qui par son geste (le balayage de ma devanture) a rendu service au village de Mortier et plus particulièrement au Musée de la Fourche et de la Vie rurale. Cet acte "simple" et discret mérite à mon sens que l'on lève son anonymat pour le féliciter.
MERCI!
Miråke a Mwèrtî ?
Li mûzéye dèl Fotche èt dèl Vèye dèl campagne si troûve è plin mitan dè viyèdje. Å prétimps èt è l'osté, li d' vanteûre èst ritchemint dècorêye di fleûrs èt d'åbarones. A l'årîre-såhon, si vite lès prumîs måva vints arivés, lès-åbarones sont dispindowes èt lès flouwèyès fleûrs sont dispotêyes; li façåde rid'vint pèneûse… Li tiyou d'a costé piète sès foyes èt cèsses-chal si r'trovèt rahop'lêyes djusse divant l' mohone. Chaque annêye, c'èst rèbèlote, i-n-a-st-on toûbion d' foyes rassonlêyes al minme plèce. Såf qui ciste annêye li timps a stu pårticuliéremint al plêve avou dès houssês. Rèzultat: lès foyes kimolowes avou lès vwètûres qui passèt sont div'nowes on watchis' sins parèy; in pus', on hopê d' papîs, cårtons, plastics, guitches di cigarètes, canètes èt mutwèt minme dès strons d' tchins…
Vola qui d'néve ine lêde èt måssîte êr å batumint èt çoula m' féve potchî foû d' mès clicotes. Mins kimint mi poleûr fé qwite di cisse sipèsse èt plakante crasse. Di pus', kimint fé po triyî tos cès måssîs trigus ? Dj' aveû d' mandé on côp di spale, mins sins-èfèt. Dji lèrè don lèyî ragoter lès makêyes… mutwèt qu'on djoû…
Achou a l' tåve d'ine copinerèye qui dji håbite djoûrmåy èt adon qui Moncheû Paul Bolland èsteût la, dji conta m' displit.
Ci fourit 'ne èwaråcion qwand dji trova on matin mi pavêye sins måssisté.
Nolu åtou d' mi n'a polou m' dîre quî èsteût v'nou fé ç' måssî ovrèdje-la.
Miråke ou bin toûr di macrale ?
Come chasconk di mès årtikes si rapwèrtèt a on camatche qu'on pout trover è mûzéye, dj'a-st-avu l'îdèye di mète so pîd on tite onorifique qui n' sèrè-st-acqwèrdé qu'ine fêye: a sèpi "Li ramon d'oneûr".
È mûzéye, on pout veûy di cès ramons qu'on dit "di macrale", mins-ossi on banc chèrvant a 'nnè fabriquer. Di pus' vos polez î trover 'ne prèsse a fahènes. (foto)
Dji vou rinde chal l'ècinse qui lî r'vint a nosse Gouvèrneûr onorêre dèl Province di Lîdje, Moncheû Paul Bolland qui, avou s' djèsse (hovèdje di m' pavêye) a rindou chèrvice å viyèdje di Mwèrtî èt pus pårticulièremint å Mûzèye dèl Fodje èt dèl Vèye dèl campagne. Ci "simpe" ake fêt sins rin dîre a nolu, mèrite, a mi-îdèye, qui tot l' monde èl sèpe èt di lî brêre prôféciat'.
MÈRCI.
Joseph Andrien
Paru dans le n° 563 de
Blegny Initiatives
de mai 2024.